СВАБОДА

Рэдакцыйны камэнтар

Шмат хто з удзельнікаў нашага апытаньня, як бачым, не захацеў ці ня змог паставіць сябе на месца маладых людзей. Таму яны, за выключэньнем зусім маладога Франка Вячоркі, як бы не зусім на тое пытаньне адказваюць. Пераважная большасьць выступіла з пазыцыяў дарослых, салідных і абазнаных людзей, якія гатовыя нешта параіць моладзі. І гэта ў цэлым слушная пазыцыя. Але некаторыя робяць гэта, як падалося, па-мэнтарску і крыху высакамерна. Мастак Пушкін, напрыклад, без найменшых ваганьняў заклікае моладзь браць зь яго прыклад і займацца вандалізмам. Гэта значыць, вучыцца мэтадам барацьбы ў камуністаў і ў цяперашніх уладаў, між іншым. Так бы мовіць: зуб за зуб. (more…)

Сярэдняя цана на газ у Эўропе ў 2008 годзе паводле апошніх прагнозаў складзе 300 даляраў за тысячу кубамэтраў. Аб гэтым на мінулым тыдні заявіў намесьнік старшыні праўленьня расейскага “Газпрому” Аляксандар Мядзьведзеў. На пачатку сёлетняга году прэзыдэнт Расеі Пуцін гаварыў пра газ для Польшчы па цане 270 даляраў за тысячу кубоў. Цяпер высьвятляецца, што гэтая цана мае непасрэднае дачыненьне і да Беларусі. (more…)

Стабільная нестабільнасьць

Дзіўныя рэчы адбываліся на мінулым тыдні. Спачатку Аляксандар Лукашэнка скрытыкаваў урад за правалы ў эканоміцы і нават зазначыў, што пад пагрозай апынуліся ўсе нашы дасягненьні. А літаральна празь дзень ён жа заявіў, што у краіне няма ніякай крытычнай сытуацыі. (more…)

Фэльетон

Беларуская літаратура заўсёды, у самыя цяжкія для існаваньня нацыі часы, “звала з путаў на свабоду, зь цемры да сьвятла”. Але ніколі яшчэ за ўсю гісторыю Беларусі яна ня несла такога цяжару адказнасьці за лёс свае краіны, як цяпер.

Разгромлены Саюз пісьменьнікаў; ледзь выжывае адзіны незалежны беларускамоўны літаратурны часопіс; беларускія кнігі выходзяць мізэрнымі накладамі, але й тыя пыляцца ў кнігарнях; творы найлепшых аўтараў выкідваюцца са школьных хрэстаматыяў. Ды ўвогуле чытацкая аўдыторыя скарачаецца, бы чыгрынавая скура, бо не чытаюць ня толькі па-беларуску, але й на іншых мовах. У краіне ўсталяваўся непахісны, як жалезабэтон, рэжым, які ненавідзіць усё беларускае.

І гэта – надоўга. (more…)

альбо Добрага кіно без рэстарану ня створыш

Анатоль Лемяшонак у газэце “Рэспубліка” зазірае ў будучыню Саюзнай дзяржавы ў сьвятле расейскіх выбараў. Што ж будзе з гэтым саюзам у выпадку, калі Пуцін застаецца пры ўладзе? (more…)

альбо Гаварыце па-беларуску – Вам гэта пасуе

На мінулым тыдні на Радыё Свабода грамадзкім рэдактарам была Дар’я Ліс. На працягу тыдня Дар’я распавядала пра сябе, дзялілася сваімі назіраньнямі за жыцьцём-быцьцём у сваім Залесьсі і ва ўсёй нашай краіне. Дзякуючы гэтым гутаркам на чалавека глядзіш ужо не як на чужога, а як на бліжняга. Ад звонкага бадзёрага голасу гэтай дзяўчыны, ад чыстай яе мовы, ад яснага розуму я, прызнаюся, прыйшоў у захапленьне. І дзякуй любімаму радыё, што дае такую магчымасьць пазнаць ды палюбіць яшчэ аднаго добрага чалавека. (more…)

Ня ўсе моршчаць лоб, “каб не выдзяляцца”

Апошнім часам, асабліва калі ў мяне з раніцы кепскі настрой, прызвычаіўся заходзіць у Жывы Журнал (ЖЖ) у інтэрнэце, на minsk_by. Не скажу, каб пасьля гэтага настрой адразу паляпшаўся – часам бывае і наадварот. У ЖЖ хапае рознага народу. Сустракаюцца і звычайныя хамы. Але вось патрапілася днямі апытаньне на тэму: што вы чытаеце на тварах людзей на вуліцы? Мне яно падалося забаўным, і я вырашыў пазнаёміць зь некаторымі адказамі чытачоў “Свабоды”.