СВАБОДА

Уладзімер Мацкевіч, палітоляг:
“ЗАСТАЕЦЦА МАГЧЫМАСЬЦЬ ПРАВАКАЦЫЯЎ”
Я думаю, што за апошнія дваццаць гадоў верагоднасьць ядзернага канфлікту ў сьвеце значна зьменшылася. Асабліва з распадам Саюзу. Затое павялічылася магчымасьць лякальных ядзерных… ня войнаў, а правакацыяў, выбухаў. На жаль, вытворчасьць ядзернай бомбы ў ХХІ-м стагодзьдзі не падаецца такой складанай, якой яна была ў сярэдзіне ХХ-га, калі гэта было навуковым подзьвігам. Зараз гэта ўжо праца, якая патрабуе толькі наяўнасьці пэўных рэсурсаў. І таму шмат краінаў займелі ўжо ядзерную зброю. І гэта павялічвае небясьпеку лякальных ваенных дзеяньняў, у якіх можа быць выкарыстаная ядзерная зброя. (more…)

СУПРАЦЬ КАГО БУДЗЕМ СЯБРАВАЦЬ З СААКАШВІЛІ?

У афіцыйнага Менску цяпер новы сябра. Як ні дзіўна, ён ня з Блізкага Ўсходу і не з Лацінскай Амэрыкі. “Халодная вайна” з Крамлём прымусіла кіраўніка беларускай дзяржавы шукаць сяброў і хаўрусьнікаў сярод нядаўніх ворагаў. Лукашэнка палічыў неабходным актывізаваць супрацоўніцтва з…грузінскім прэзыдэнтам Міхаілам Саакашвілі. (more…)

УЛАДЗІМЕРУ КАНАПЛЁВУ ПАТРЭБНАЯ ІНГАЛЯЦЫЯ

Па восені ва ўладных эшалёнах не далічыліся нават не кураняці, а досыць буйнога пеўня. У адстаўку “з уласнага жаданьня” сышоў старшыня палаты прадстаўнікоў Нацыянальнага сходу Ўладзімер Канаплёў. (more…)

Першы раз ён ударыў яе пасьля вясельля

Ня ведаю, як назваць гэты тэкст. Паставіць пытальнік? Але ці варта пытацца, ведаючы, што ніхто не адкажа. Проста разьвесьці рукамі, бяз словаў? Ды й гісторыя, па сутнасьці, банальная. Сотні такіх наўкола, а ўражвае, бо чалавек знаёмы. (more…)

Альбо “Дзе мяжа бессаромнасьці?”

На гэтым тыдні чытачоў “Народнай газеты” парадаваў Вячаслаў Кебіч. У сваім інтэрвію былы ўсемагутны прэм’ер, якога 14 гадоў таму называлі ледзь не дыктатарам, выглядае наймілейшым чалавекам, які добраахвотна сыйшоў з улады. (more…)

АЛЬБО ДЫЯЛЁГ З “НАЧНОЙ СВАБОДАЙ”

На пачатку хачу павіншаваць “Начную Свабоду” з удалай знаходкай – конкурсам “Выйграй кнігу “Свабоды”. Людзі шлюць СМСкі, журналіст тэлефануе пераможцу, і ў этэр ідзе гутарка са слухачом. (more…)

Шаноўны чытач!

Калі Вы завяршаеце працу і ў Вас ёсьць крыху часу, пра што Вы любіце размаўляць са сваімі сябрамі ці суседзямі – у электрычцы, на лецішчы, у сябе дома? Хутчэй за ўсё, гэта тры тэмы. (more…)

Суседзі адварочваюцца ад Беларусі

Такое ўражаньне, што суды ў РБ заваленыя справамі аб адміністрацыйных парушэньнях. Найперш – у зьвязку зь незарэгістраванай арганізацыяй “Малады фронт”. Не пасьпелі аціхнуць жарсьці пасьля судоў у Нясьвіжы й Салігорску, якія скончыліся спагнаньнем вялікіх штрафаў, як пачаўся суд у Баранавічах. Там судзілі маладафронтаўца Яраслава Грышчэню. У аўторак яму далі 930 тысяч рублёў штрафу. Але галоўныя падзеі разгарнуліся напярэдадні, калі спэцназ затрымаў каля будынку суда некалькі дзясяткаў чалавек, у тым ліку двух журналістаў. На большасьць затрыманых склалі пратаколы ды выпусьцілі, а вось Павал Севярынец, адзін зь лідэраў маладафронтаўцаў, атрымаў штраф 620 тысяч рублёў ды яшчэ 17 сутак арышту. Яго зьвінавацілі ў арганізацыі мітынгу ў падтрымку Яраслава Грышчэні каля будынку суда. Гэта першы выпадак у Беларусі, калі згодна з новым Адміністрацыйным кодэксам выносіцца нагэтулькі жорсткі прысуд (раней давалі максымум 15 сутак). Але гэта ня першы адміністрацыйны прысуд, вынесены за апошні час Севярынцу – маладому палітыку, які толькі нядаўна вярнуўся зь “хіміі”.  (more…)