СВАБОДА

АЛЬБО “ВАМ НЕ ПАТРЭБНЫ ЭКАНАМІСТ?”

Агляд друку

Калі афіцыйны беларускі друк пачынае пісаць не пра Дажынкі ў Рэчыцы, а пра палітычную сытуацыю ў суседніх дзяржавах, ён, гэты друк, часам набывае нейкі нетутэйшы лоск. Вось урывак з артыкула пра апошнія падзеі ў Крамлі. (more…)

АЛЬБО НЕ ДАЗВОЛЬЦЕ, КАБ НЕХТА НА ВАС ЛЁГ

Агляд радыё

Радыё Свабода спрабуе надаць новае дыханьне перадачы “Званкі слухачоў”. Цяпер штотыдзень будуць выбіраць самы цікавы званок і даваць узнагароду самадзейнаму карэспандэнту. Такім чынам спадзяюцца, відаць, прывабіць больш слухачоў. А я з гэтай нагоды хацеў бы паразважаць пра беларускую сьціпласьць. Чаму нашы людзі мала пішуць, звоняць у рэдакцыю? Вось і я сам да нядаўняга часу толькі слухаў радыё, бурчэў сам сабе пад нос, а ў рэдакцыю ніколі не пісаў. Аж пакуль мяне не ўзялі за рукі й не сказалі – пішы. І вось цяпер пішу, і кажуць, што гэтая пісаніна нялішняя. (more…)

Апытаньне тыдня

Генадзь Лойка, мастак:
“ГЭТАЯ ЎЛАДА АДСТОЙВАЕ ІНТАРЭСЫ ІНШАЙ ДЗЯРЖАВЫ”
Акупацыйная. Бо яна адстойвае інтарэсы іншай дзяржавы. Сёньняшнія ўладары – пераемнікі Савецкага Саюзу. СССР даўно няма, але, тым ня менш, вельмі шмат зважаецца на інтарэсы расейскай дзяржавы. Беларуская мова ў заняпадзе, расейская квітнее. Для мяне мова на першым месцы. Яна ўсё вызначае. Калі ня будзе мовы, будзе іншая дзяржава й іншая нацыя. І гэта ўжо назіраецца – і ў гэтай уладзе, і ў гэтым электараце. Гэта не беларускі народ. Яшчэ крыху, і ён адамрэ зусім. Але мы пераможам, і з гэтага народу зробім беларускую нацыю. (more…)

160 даляраў за тысячу “кубоў” – не мяжа

Гаспадарка

Не пасьпела прыйсьці восеньская халадэча, а газавая тэма зноў – тут як тут. Яна ўжо заняла сваё звыклае месца сярод іншых папулярных тэм. Гэтая тэма абяцае неўзабаве яшчэ больш сапсаваць без таго халаднаватыя, мякка кажучы, адносіны паміж Беларусяй і Расеяй. (more…)

Суседзі

У Літве пашыраецца рух “жэмайтаў” або “жмудзі”. На гэтым тыдні ініцыятыўная група заявіла пра стварэньне Жмудзкай палітычнай партыі. (more…)

Фэльетон

Не, я зусім не пра Джэймса Бонда, фільмы пра якога Літоўскае тэлебачаньне круціць кожную нядзелю. Не найгоршае кіно, скажу я вам. Асабліва пад піва зь фісташкамі. (more…)

АЛЬБО НАВОШТА RTVI ЎЗЯЛОСЯ ЗА “ЯЙКАКВАДРАТЫ”?

Пра гісторыю зь “яйкаквадратамі” за апошні час паведамілі, бадай, усе СМІ, якія маюць дачыненьне да Беларусі – залежныя й незалежныя. Але для нашых чытачоў нагадаю ў скароце сутнасьць справы. У 1992-м годзе ў Менску адбылася мастацкая выстава, на якой упершыню быў прадстаўлены праект пад назвай “Яйкаквадраты”. Аўтары ідэі – вядомы беларускі паэт Алесь Разанаў (многія калі не чыталі, дык чулі пра ягоныя вершы-квантэмы) і мастак Віктар Маркавец. Як тады тлумачыў Разанаў, папярэднікамі графічных работ у рамках праекту можна лічыць “супрэматычныя квадраты” Казіміра Малевіча, знакамітага мастака-авангардыста, які доўгі час жыў у Віцебску. Але разам з тым, на думку паэта, гэты вобраз – белае яйка на чырвоным фоне альбо наадварот, чырвонае на белым – адпавядае нацыянальным традыцыям беларусаў, іх “духоўнаму космасу”. (more…)

16 верасьня ў Глушы, дзе пахаваны выдатны беларускі пісьменьнік і дзяяч Алесь Адамовіч, прайшла імпрэза яго памяці. 80-я ўгодкі з дня нараджэньня Адамовіча, якое адзначалася 3 верасьня, засталося амаль незаўважаным афіцыйнымі СМІ і дзяржаўнымі чыноўнікамі ў сталіцы. (more…)