СВАБОДА

Апытаньне тыдня

Станіслаў Багданкевіч, былы старшыня Нацбанку Беларусі:
“СКОНЧЫЦЦА ПШЫКАМ”
Гэта, безумоўна, шантаж. Але я думаю, што ён скончыцца пшыкам. Я думаю, што Расея ў чарговы раз пойдзе насустрач Лукашэнку. А Лукашэнка адкупіцца нейкімі саступкамі Расеі. Хутчэй за ўсё, часткай нерухомасьці. Можа быць, часткай “Белтрансгазу” і нафтаперапрацоўчых заводаў. Гэтым усё і скончыцца. Я мяркую, што Расея пойдзе на ўзгадненьне больш нізкай цаны для Беларусі, у параўнаньні з тым, што яна аб’явіла. Расея ня пойдзе ні на якія рэзкія крокі. Яна саступіць, як саступала шматкроць. Для яе важна захаваць у Беларусі блізкі да сябе рэжым. Расея сёньня аднаўляе свой імпэрскі імідж, намагаецца падкрэсьліць сваю веліч. І для яе важны такі сябра, як Лукашэнка. І ён гэта адчувае. Таму ідзе на абвастрэньне. Так што, я думаю, цэны будуць павышаныя, але ў цалкам прымальным для Беларусі варыянце.
(more…)

Але мы ўжо цяпер плацім за яго дзяржаве амаль столькі ж!

Камэнтар

Колькі сіл страцілі беларускія і расейскія афіцыйныя СМІ на тое, каб давесьці, што ўкраінцы пасьля “аранжавай рэвалюцыі” жывуць у жабрацкіх, нечалавечых умовах. І ніхто зь дзяржаўных журналістаў не падумаў, зразумела, паведаміць, што шкадаваць, найперш, трэба саміх сябе, а не ўкраінцаў.

(more…)

Палітыка

Дзяржаўныя маладзёвыя арганізацыі чакае чарговая рэформа. Аляксандар Лукашэнка запатрабаваў стварыць адну буйную структуру, якая мусіць аб’яднаць і піянэраў, і сучасных камсамольцаў (БРСМ) і ўсіх астатніх.

(more…)

“З сабакамі на ваўкоў не хадзі”

Фэльетон

Дзядулю Канта агаломшвала зорнае неба над галавой і маральны імпэратыў у самім чалавеку. Дажыві ён да нашых часоў, мабыць, яго ўвяла б у роспач зусім іншая зьява. (more…)

Барыс Пятровіч, пісьменьнік:
“ІНТЭЛІГЕНЦЫЯ ПАВІННА ЎМЕЦЬ БАРАНІЦЦА САМА”
Ніхто. Ніхто й не павінен бараніць. Інтэлігенцыя павінна ўмець бараніцца сама. Бо іначай яна не мазгі нацыі, а, як казаў адзін вядомы таварыш, “гаўно нацыі”. І яшчэ адзін расеец, паэт Станіслаў Куняеў, казаў, што дабро павінна быць з кулакамі. І вось пакуль інтэлігенцыя будзе чакаць, што яе нехта абароніць, знойдзецца той, хто ператворыць яе ў тое, пра што казаў той таварыш. А такое пытаньне не павінна стаяць увогуле. Бараніцца трэба самому найперш, і тады ўдасца чаго-небудзь дабіцца.
(more…)

“У чым сіла, брат? — Сіла ў праўдзе”

Камэнтар

Пасьля зачысткі апазыцыйнага поля, дзе цяпер альбо сядзяць у турмах і ў эміграцыі, альбо спрачаюцца за лідэрства; пасьля дэмаралізацыі недзяржаўнае прэсы, рэдактары якой просяць сёньня найвышэйшага дазволу друкавацца і пашырацца ў Беларусі; пасьля ліквідацыі прафсаюзнага руху і выгнаньня пісьменьнікаў з Дому літаратараў, – адным словам, пасьля таго, як былі сагнутыя самыя незгібальныя, змагар-прэзыдэнт адчуў адзіноту і адсутнасьць паўнаты жыцьця, і перавёў свой позірк на тыя грамадзкія групы, дзе быццам бы і не змагаюцца супраць яго, але ж маюць нахабства самастойна мысьліць, выяўляць волю і вызнаваць веру. Пад каток рэпрэсіўнай сыстэмы патрапілі пратэстанцкая царква “Новае жыцьцё”, пра што мы пісалі ў папярэднім нумары, а таксама… афганскія вэтэраны, якія дагэтуль лічыліся ледзьве не апораю сыстэмы Лукашэнкі. (more…)

СНД ПАСЬЛЯ ПЕРАНОСУ САМІТУ ЯШЧЭ БОЛЬШ НАБЛІЗІЛАСЯ ДА СКОНУ

Палітыка

Дзяржаўнае ўтварэньне пад назвай СНД ад самага пачатку нагадвала Франкенштэйна, змайстраванага, дзякуючы фантазіі навукоўца-вар’ята, з чалавечых трупаў. (more…)

Беларусь і суседзі

У Вільню прыехала каралева. Тысячы беларусаў, якія з-за неспрыяльнае сытуацыі на Бацькаўшчыне сталі цяпер паводле пашпарту палякамі або літоўцамі, віталі манархіню зь непадробным захапленьнем. Усё ж такі сапраўдная каралева – гэта не які-небудзь прэзыдэнт ці прэм’ер. Ад яе і не патрабуецца казаць палітычныя прамовы ці весьці якія-небудзь важныя перамовы. Проста там, дзе яна зьяўляецца, усе адчуваюць, што ажыла казка, і што цуд гэтага жыцьця нашмат большы за ўсе прамовы і перамовы. На шчасьце, ёсьць на плянэце такія пэрсанажы, як сапраўдная каралева. І на жаль, абмінаюць яны нашу краіну. (more…)